Dybala: Mund të luaj me Boca Junior, por kam nevojë për Romën për t’u rikthyer në kombëtare

Paulo Dybala thyen heshtjen. Sulmuesi i Roma, i intervistuar në Argjentinë, preku të gjitha temat e nxehta që e rrethojnë: nga koha e tij e vështirë me Argjentinën deri te thashethemet e transferimit, se ai mund të kthehet në shtëpi për të veshur fanellën e Boca Juniors në një të ardhme jo shumë të largët.

Objektivi i Kupës së Botës mbetet obsesioni i Paulo me kombëtaren e Argjentinës. Pas mungesës së tij në grumbullimet e fundit, 32-vjeçari sqaron: “Ne të gjithë duam të luajmë për kombëtaren, por nuk do të jetë e lehtë. Duhet të gjej ritmin dhe qëndrueshmërinë time me Romën. Qëllimi im është të jem në Kupën e Botës, por gjithçka varet nga klubi im“.

Më tej, ai foli për marrëdhënien me trajnerin Scaloni: “Nuk u thirra pjesërisht për shkak të lëndimeve, nuk mund ta përballosh këtë në një ekip kombëtar kaq të fortë. Nuk e kam telefonuar kurrë Scaloni për t’i kërkuar shpjegime. Përkundrazi, duhet t’i tregoj në fushë se jam në formë të mirë dhe i aftë të bëj atë që ai dëshiron“.

Megjithatë, ajo që i ka trembur tifozët e Romës janë komentet e tij për të ardhmen, idenë që të luaj me Boca Junior dhe presioni i vazhdueshëm nga miku i tij Leandro Paredes: “Marr mesazhe nga ai dhe gruaja e tij. Kemi qenë në kontakt gjatë gjithë kohës që kur ai u largua, na mungojnë shumë.”

“Dy ditë më parë, doli një foto ime me një fanellë të Boca, ia dërguan grupit, duke pyetur nëse ishte inteligjencë artificiale. Qeshëm shumë. Gjithsesi, për të ardhmen time aty, ‘Kurrë mos thuaj kurrë’, nuk e di se çfarë do të ndodhë”, deklaroi Dybala.

“Sot luaj për Romën dhe mbroj këtë fanellë, por në futboll nuk e di kurrë se çfarë mund të ndodhë. Do të doja të kaloja më shumë kohë me Leandro dhe familjen e tij, do ta shohim“, përfundoi sulmuesi argjentinas.

Këto fjalë tingëllojnë si një deklaratë dashurie për klubin roman, por ato e lënë derën hapur për në Buenos Aires. Topi tani është në fushën e Romës, që ka nevojë për lojtarin e saj më të mirë për të qëndruar në trenin për në Evropë dhe Dybala që ka nevojë për Romën për të fituar përsëri Argjentinën.