Emergjencat Civile: Ja zonat më të prekura nga përmbytjet
Komiteti i Koordinimit të Emergjencave Civile dhe Krizave, pranë kryeministrisë ka raportuar situatën më të fundit të përmbytjeve.
Sipas këtij Komiteti, gjendja vijon të jetë shumë e rënduar, për shkak të reshjeve të shumta të shiut, që vijojnë të derdhen mbi vendin tonë.
Emergjencat Civile raportojnë se zonat më të prekura janë ato të Fushë Krujës, Kurbinit, Vorës, Marikajt dhe Mamurrasit.
Aktualisht vijon puna për të evakuuar personat e rrezikuar nga përmbytjet, por edhe për t’u ardhur në ndihmë atyre që janë prekur tashmë.
EC i bëri thirrje të gjithë autoriteteve shtetërore, të qëndrojnë në gatishmëri, për t’i ardhur në ndihmë njerëzve, ndërsa pati edhe një apel për bizneset, që të vijnë në ndihmë, duke ofruar mundësi strehimi për familjet e evakuuara.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.