Festival Roma Romale në Roskovec për të dytin vit radhazi

Për të dytin vit me radhë, qyteti i Roskovecit organizoi Festivalin Roma Romale, një ngjarje që bashkoi grupe artistësh nga disa qytete të Shqipërisë, si dhe nga Kosova dhe Maqedonia e Veriut.

Festivali promovoi këngën, vallen dhe traditat e komunitetit rom, duke krijuar në qendër të qytetit një atmosferë shumëngjyrëshe dhe festive, që tërhoqi një numër të shumtë vizitorësh.

Qëllimi i këtij eventi është të forcojë bashkëpunimin kulturor dhe të nxisë integrimin përmes artit. Në edicionin e këtij viti morën pjesë nëntë grupe artistike.

Organizatorët synojnë që Festivali Roma Romale të bëhet një traditë e përvitshme në Roskovec.