FIFA pezullon dy zyrtarë të U.S. Soccer para ndeshjes me Belgjikën

FIFA ka pezulluar dy zyrtarë të U.S. Soccer para ndeshjes së kombëtares së SHBA-së kundër Belgjikës: menaxherin e ekipit, Sam Zapatka, dhe zv/ presidentin e sigurisë, Frank Pannell. Zëdhënësi i U.S. Soccer pranoi ekzistencën e pezullimeve dhe i referoi pyetjet te FIFA, e cila nuk dha koment zyrtar.

Raporton sports.yahoo se pezullimet u njoftuan pak para sfidës me Belgjikën dhe mund të jenë të lidhura me ngjarjet rreth sulmuesit Folarin Balogun. Balogun mori karton të kuq në ndeshjen ndaj Bosnje-Hercegovinës, por FIFA e anuloi më pas ndëshkimin prej nje ndeshjeje, gjë që i hapi rrugë të luante kundër Belgjikës, pavarësisht ankesave të federatës belge. Komiteti disiplinor i FIFA-s publikoi një deklaratë 13-pikëshe dhe gjobiti si Balogun ashtu edhe U.S. Soccer për festimin e lojtarit në fushë pas takimit me Bosnje-Hercegovinën; nuk është e qartë nëse pezullimet lidhen me rikthimin e Balogun në fushë apo me gjobën e mëvonshme.

Zapatka, i cili punon prej 11 vitesh në strukturat e U.S. Soccer dhe ka kaluar nga roli i koordinuesit të ekipeve në atë të menaxherit, dhe Pannell, me përvojë të mëparshme në Secret Service dhe CIA dhe më pas në siguri private, janë emrat e përfshirë në pezullim. Sipas sports.yahoo, ata duket se janë të vetmit zyrtarë të ekipit të pezulluar nga FIFA gjatë Kupës së Botës 2026.