FOKUS – Irani: Ngushtica e Hormuzit nuk do të rihapet nëse SHBA nuk ndryshon sjellje

TEHERAN, 9 gusht /ATSH -ANSA/ – Derisa Amerika të mos korrigjojë sjelljen e saj, Ngushtica e Hormuzit nuk do të rihapet,. Këshilli i Lartë i Sigurisë Kombëtare nuk do të tërhiqet kurrë, as në luftë dhe as në negociata., deklaroi sekretari i Këshillit të Lartë të Sigurisë Kombëtare të Iranit, Mohammad Baqer Zolqadr

.“Korrigjimi i sjelljes do të thotë se Irani nuk duhet të kërcënohet kurrë, me asnjë lloj gjuhe, dhe nuk duhet të fyhet ajo që është e shenjtë për këtë komb”, shtoi ai.

“Duhet t’i jepet fund përgjithmonë luftës dhe agresionit kundër Iranit dhe aleatëve të tij në Liban, Palestinë, Jemen dhe Irak.
Duhet të hiqet bllokada strategjike detare dhe të tërhiqen forcat ushtarake amerikane, detare dhe ajrore, nga zonat përreth Iranit”, shton ai.

‘Po ashtu uhet të kompensohen dhe të zbuten dëmet e shkaktuara nga dy luftërat agresive dhe të imponuara ndaj Iranit.
Duhet të hiqen sanksionet mizore dhe të paligjshme kundër popullit iranian.
Duhet të zhbllokohen pa kushte pasuritë e ngrira dhe të vjedhura të popullit iranian””, thekson deklarata.

Ndërkohë, presidenti iranian Masoud Pezeshkian i ka bërë thirrje vendit që të kapërcejë fazën e “as luftë, as paqe”.

“Në vend ka kohezion, forcë dhe unitet dhe, me sa di unë, Irani konsiderohet fitimtar dhe i fuqishëm në këtë luftë”, deklaroi ai për mediat iraniane, cituar nga Al Jazeera.

Pezeshkian shtoi se, sipas tij, ky është momenti më i mirë për të arritur një marrëveshje.