Franca, mbështetje çertifikimit të prodhimeve bujqësore shqiptare

Thellimi i bashkëpunimit midis Francës dhe Shqipërisë në fushën e bujqësisë, blegtorisë dhe peshkimit ishte në fokus të takimit mes ministrit të Bujqësisë, Zhvillimit Rural dhe Administrimit të Ujërave, Edmond Panariti dhe Ambasadorit të  Francës në Shqipëri, Bernard Fitoussi. 

Përsa i përket sektorit bujqësor u ra dakord që të jepet mbështetje çertifikimit i disa prodhimeve bujqësore shqiptare të origjinës gjeografike të kontrolluar, ku u evidentuan veçanërisht djathi i bardhe i dhisë, vaji i ullirit me varietetin Kalinjot, dhe verërat shqiptare të prodhuara me varietete rrushi autokton.

Ky çertifikim do të krijonte prodhimet e para shqiptare të markës të cilat do të njiheshin në tregun ndërkombëtar si prodhime tipike dhe autentike shqiptare.

Në fushën e peshkimit u diskutua rreth mundësisë së krijimit të një shkollë peshkimi, “tip anije” të pajisur me të gjitha instrumentet e nevojshme për trajnimin e peshkatarëve dhe operatorëve të peshkimit për teknikat dhe shfrytëzimin e balancuar të rezervave të peshkut.

Në sektorin e blegtorisë është theksuar nevojën për modernizimin dhe fuqizimin e stacionit të bagëtive të imta në Korçë, si një qendër e përmirësimit racor të të imtave në Shqipëri.