Franca thërret ambasadorin iranian pasi Teherani mbylli qendrën e gjuhës franceze
Parisi e cilësoi vendimin si "sulm të ri ndaj pranisë kulturore franceze në Iran" dhe paralajmëroi masa përgjigjeje.
Franca do të thërrasë ambasadorin iranian në Paris, njoftoi të dielën Ministria e Punëve të Jashtme franceze, pas vendimit të autoritetetve iraniane për të mbyllur qendrën e gjuhës franceze në Teheran.
Më herët gjatë së dielës, autoritetet iraniane njoftuan mbylljen e qendrës, e cila funksiononte pranë ambasadës franceze në kryeqytetin iranian, me arsyetimin se kishte zhvilluar “aktivitete të paligjshme”.
Në reagimin e saj, ministria franceze (Quai d’Orsay) e cilësoi vendimin si “sulm të ri ndaj pranisë kulturore franceze në Iran”, duke e quajtur “të pajustifikueshëm dhe të papranueshëm”. Qeveria franceze shtoi se do të “marrë masat e duhura për t’u përgjigjur”.
Vendimi shton një kapitull të ri në marrëdhëniet e tendosura mes Parisit dhe Teheranit, në një kohë kur Irani gjendet në luftë me SHBA-në dhe Izraelin dhe kontrollin e rreptë mbi aktivitetet e institucioneve të huaja në vend.
Burimi: Al Jazeera
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.