Futboll/ Superliga, programi i javës së katërt

Java e katërt e superligës shqiptare të futbollit do të nisë me një supersfidë në skajin më verior të vendit, në Kukës, ku nënkampionët e Shqipërisë do të përballen me Partizanin.

Ndeshja do të luhet ditën e dielë në orën  13:00’, duke çelur zyrtarisht javën e katërt të superliges. Djemte e Shpëtim Duros mposhtën të enjten skuadrën kampione të Shqipërisë, Skenderbeun, në “Qemal Stafa” me rezultatin 1-0, ndërsa tashmë objektivi i radhës është “pushtimi” qytetit verior. Nga krahu tjetër, kryesuesit e superligës nuk duan të ndalen. Pas tre rezultateve pozitive, 2 fitore edhe 1 barazim, kuksianët shpresojnë të marrin pikë të plota në shtëpinë tyre.

Veç kësaj sfide ditën e dielë do të luhen edhe sfidat e tjera të kësaj jave. Kështu, ndeshje me mjaft interes është ajo e Vlorës, ku Flamurtari do të presë Vllazninë. Ndërkaq, në kryeqytet, Tirana do të presë Elbasanin. Bardheblutë ashtu si dhe Kukësi kryesojnë superligen dhe objektivi është te ruajne këtë poizicion, pasi përballë është skuadra e vendit të fundit në klasifikim dhe që nuk ka arritur ende të marrë pikën e parë në kampionat. Së fundmi, kampionët e Shqipërisë ditën e dielë do të udhëtojnë drejt Fierit për t’u ndeshur me Apoloninë, një skuadër mjaft e rrezikshme në shtëpinë e saj.
Programi i javës së katërt të superliges eshte:

E dielë:

Ora 13:00- Kukësi-Partizani
Ora 17:00- Tirana- Elbasani
Ora 17:00- Flamurtari- Vllaznia
Ora 20:00- Apolonia- Skënderbeu
Ora 20:00- Teuta- Laçi

Klasifikimi pas tre javëve të para të  kampionatit eshte:

1.Tirana  7 pikë
2.Kukësi 7
3.Skënderbeu 6
4.Flamurtari 6
5.Vllaznia 4
6.Partizani 4
7.Teuta 3
8.Apolonia 3
9.Laçi 2
10.Elbasani  0