Ghalibaf: “Epoka kur F-35 dhe F-15 tuajat gjuhen dhe i raportoni të dëmtuar ka filluar tashmë”

Kryetari i parlamentit iranian, Mohammad Bagher Ghalibaf, ka deklaruar se Shtetet e Bashkuara duhet të pranojnë një epokë të re në të cilën avionët e tyre luftarakë janë të cenueshëm ndaj sulmeve, pas publikimit të një raporti zyrtar amerikan që detajon avionët e dëmtuar ose të shkatërruar gjatë operacioneve luftarake kundër Iranit.

Në një postim në platformën X, Ghalibaf iu referua raportit të Kryeinspektorit të Përgjithshëm amerikan drejtuar Kongresit dhe shkroi: “Epoka kur F-35 dhe F-15 tuajat gjuhen dhe ju detyroheni t’i raportoni si të dëmtuar ka filluar tashmë.” “Ajo që dikur ishte makthi juaj i pastër, tani është realiteti i përditshëm. Jetoni me të,” shtoi ai.

Deklarata vjen në një moment kur të dyja palët po shkëmbejnë akuza dhe paralajmërime publike, ndërsa lufta mes SHBA-së dhe Iranit, e nisur në shkurt, vazhdon pa shenja të qarta de-përshkallëzimi. Irani ka pretenduar në ditët e fundit edhe rrëzimin e disa dronëve amerikanë mbi Ngushticën e Hormuzit.

Raporti i inspektorit amerikan, i cituar nga Ghalibaf, dokumenton dëmet ndaj avionëve amerikanë gjatë fushatës — një pranim i rrallë zyrtar i kostove ajrore të konfliktit, që Teherani po e përdor për të forcuar narrativën e tij se mbrojtja ajrore iraniane po i kushton shtrenjtë Uashingtonit.

Burimi: Al Jazeera