Gjetet trupi i gruas së kërkuar nga Monako për shpërthimin ndaj biznesmenit ukrainas

Shërbimi i Sigurisë së Ukrainës (SBU) njoftoi të martën se kishte gjetur trupin e Anastasiia Berezovska, një shtetase ukrainase e kërkuar nga autoritetet e Monakosë lidhur me shpërthimin që synonte biznesmenin ukrainas Vadym Yermolaiev.

Sipas Associated Press, SBU tha se një oficer që shërbente në agjencinë ukrainase të zbulimit ushtarak pranoi se kishte vrarë Berezovskan me ndihmën e një ish-punonjësi të zbatimit të ligjit. Ai pretendoi se veproi me iniciativën e tij dhe pa njoftuar eprorët, sipas deklaratës së Shërbimit.

Sulmi tronditi Monakon, vend bregdetar i njohur për jetën e privilegjuar, familjen mbretërore dhe garën e Formula 1. Princi Albert II e përshkroi shpërthimin si “një akt të neveritshëm” dhe njoftoi se të gjitha shërbimet publike ishin mobilizuar për të siguruar rendin dhe sigurinë.

Hetimet vazhdojnë ndërsa autoritetet përpiqen të sqarojnë rrethanat dhe përgjegjësitë; raporton Associated Press.