GJKKO vulos fatin e grupit të “serave të kanabisit” në Berat, ja sa vite burg morën drejtuesit
Gjykata e Posaçme kundër Korrupsionit dhe Krimit të Organizuar (GJKKO) ka shpallur fajtorë anëtarët e një grupi të strukturuar kriminal, të akuzuar për prodhim dhe shitje narkotikësh, kultivim të bimëve narkotike dhe armëmbajtje pa leje.
Çështja, e hetuar nga Prokuroria e Posaçme (SPAK), u gjykua me procedurën e gjykimit të shkurtuar, çka solli uljen e dënimeve.
Dy drejtuesit e grupit, Sadetin Hasaj dhe Blerim Xheka, u dënuan fillimisht me nga 13 vite burg, por pas aplikimit të gjykimit të shkurtuar dënimi i tyre u ul në 8 vite e 8 muaj burg. Ata do ta vuajnë dënimin në një burg të sigurisë së lartë.
Ndërkohë, Sidrit Bisha, i shpallur fajtor për prodhim dhe shitje droge, kultivim të bimëve narkotike, armëmbajtje pa leje dhe pjesëmarrje në grup të strukturuar kriminal, u dënua përfundimisht me 6 vite e 8 muaj burg.
Edhe Suad Smakaj u shpall fajtor për prodhim dhe shitje narkotikësh, kultivim të bimëve narkotike dhe pjesëmarrje në grup të strukturuar kriminal.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.