Golat e Haaland provokojnë lukundje sizmike në Norvegji, regjistrohen dridhje të lehta të tokës

Dygolëshi i Erling Haaland në debutimin e tij në Kupën e Botës jo vetëm që tronditi mbrojtjen e Irakut, por edhe nëntokën norvegjeze. Gjatë fitores 4-1 të Norvegjisë, stacionet sizmike në Bergen regjistruan dridhje të lehta që përkonin me golat e sulmuesit.

“Gjatë natës, stacioni sizmik i Bergen regjistroi sinjale të qarta afër ndeshjes Norvegji-Irak. Variacionet më të forta përkuan me golat e Erling Haaland, të cilat provokuan një gëzim të fortë midis tifozëve norvegjezë“, njoftoi Universiteti i Bergenit, i cili operon sistemin e monitorimit.

Të dhënat tregojnë kulme në momentet kyçe të ndeshjes, veçanërisht dy golat e sulmuesit norvegjez. Sipas studiuesve, sinjalet janë për shkak të reagimeve të turmës. “Sinjalet ka të ngjarë të jenë shkaktuar nga britmat dhe brohoritjet e tifozëve pas ndeshjes në Bergen“, shpjegojnë ekspertët.

Ata theksuan se “kur shumë njerëz reagojnë njëkohësisht ndaj ngjarjeve të mëdha sportive, lëvizjet e kombinuara mund të gjenerojnë dridhje të tokës që mund të zbulohen nga sizmometrat“.

Fenomeni nuk është i ri: instrumente të ngjashme kanë regjistruar tashmë dridhje gjatë koncerteve të mëdha ose ngjarjeve sportive, siç janë shfaqjet e Ed Sheeran në Oslo, kur dhjetëra mijëra njerëz prodhuan sinjale të matshme nën tokë.

Në rastin e Norvegjisë, pra, nuk pati tërmet të vërtetë, por mjaftueshëm emocione për të regjistruar një “dridhje” që përkoi me dy golat e sulmuesit të Manchester City.