Himarë: Panair artizanati dhe nisja e sezonit turistik

Himarë shënoi ditën e dytë të ceremonive për hapjen e sezonit turistik me një panair të punimeve artizanale dhe prodhimeve vendase, që krijoi një atmosferë festive dhe plot ngjyra. Vizitorët patën mundësi të shikonin punime të ndryshme dhe të provojnë produkte lokale, si vaj ulliri dhe verë të zonës.

Aktivitetet, që nisën të premten dhe do të vazhdojnë gjatë fundjavës deri në mbrëmjen e së dielës, ishin të ndryshme dhe të përshtatshme për të gjitha grupmoshat, duke kulmuar çdo mbrëmje me muzikë, raporton TV Klan.

Panairi tërhoqi jo vetëm vendas, por edhe turistë të huaj, ndërsa ardhjet turistike kanë nisur që në muajin mars. Për këtë pranverë pritet rreth 30 përqind më shumë vizitorë në vijën bregdetare krahasuar me 2025, çka rrit pritshmëritë për sezonin në vazhdim.

Organizatorët synojnë të promovojnë traditat dhe produktet vendore për të forcuar ofertën turistike lokale, sipas TV Klan.