Hoteli “Plaža” në Herceg Novi del në ankand publik — çmimi fillestar 30,74 milionë euro

Herceg Novi — Ankandi i parë publik për shitjen e hotelit “Plaža” në Herceg Novi do të mbahet të hënën, me vlerë të parashikuar 30,74 milionë euro. Procedura e shitjes publike u nis me kërkesën e punonjësve të kompanisë Vektra Boka, llogaria e së cilës është e bllokuar vazhdimisht për rreth dhjetë milionë euro.

Vendimi për shitjen lindi nga nevoja për të siguruar pretendimet e ish-punonjësve të Ndërmarrjes Hoteliero-Turistike (HTP) Boka. Avokati i punonjësve, Jovan Pejović, ka thënë më herët se ata nuk insistojnë që pretendimet t’i arkëtojnë përmes shitjes së hotelit “Plaža”, por iu bashkuan procedurës pasi u caktua ankandi i parë publik.

Sipas Pejoviçit, ish-punonjësit e HTP Boka kanë arritur deri tani, përmes vendimeve gjyqësore, të arkëtojnë rreth 95 për qind të pretendimeve; për një grup prej rreth 200 ish-punonjësish kanë mbetur edhe rreth 70 mijë euro. Ai shtoi se kjo shumë nuk është arsyeja pse ish-punonjësit këmbëngulin në shitjen e hotelit, por është e drejta e tyre ligjore të shlyejnë pretendimet nga pasuria e debitorit.

Ankandi vjen në një moment kur mbi pasurinë e Vektra Boka po zhvillohen sërish procedura në të cilat marrin pjesë disa kreditorë. Ndërsa ish-punonjësit e HTP Boka përpiqen të arkëtojnë rreth 70 mijë eurot e mbetura, ngrihet pyetja se si do të mbrohen të drejtat e punonjësve aktualë me pretendime shumë milionëshe, si dhe të kreditorëve të tjerë.

Burimi: RTCG