Humbja e Vuçiç, reagon Veliaj: Urime studentëve për rrëzimin e makiavelistit dhe populistit të Beogradit

Kryebashkiaku i Tiranës, Erion Veliaj, ka uruar studentët e Serbisë për fitoren në zgjedhje, duke e cilësuar presidentin Aleksandar Vuçiç si “makiavelist” dhe “populist”.

Në një reagim në rrjetet sociale, Veliaj vlerëson lëvizjet dhe protestat studentore, duke theksuar se ato nuk përfaqësojnë “fundin e botës”, por fundin e një bote dhe shënojnë një ndryshim që duhet kuptuar nga qytetarët dhe politikëbërësit.

“Urime studentëve për rrëzimin e makiavelistit dhe populistit të Beogradit! Lëvizjet dhe protestat studentore nuk janë “fundi i botës”, por fundi i “një bote”. Sa më shpejt ta kuptojmë këtë si qytetarë e politikëbërës, aq më mirë do të dimë t’u përgjigjemi nevojave dhe pritshmërive të kësaj gjenerate. Urime të përzemërta edhe shqiptarëve tanë në Serbi, të cilët, sipas projeksionit aktual, e rrisin përfaqësimin e tyre nga një në dy mandate. Një zë më i fortë për të drejtat e shqiptarëve në Serbi!”