Huthi-t mohojnë se synuan Mekën: “gënjeshtër e neveritshme”, thotë zëdhënësi i tyre

Huthi-t mohuan të kenë synuar qytetin e shenjtë të Mekës, pasi Arabia Saudite njoftoi se sistemi i saj i mbrojtjes ajrore kishte kapur dhe shkatërruar një dron që po shkonte drejt hapësirës ajrore të Mekës. Koalicioni saudit tha se dronin e kapi në orën 21:50 GMT të së martës.

Hizam al-Asad, anëtar i byrosë politike të Huthi-t, e përshkroi pretendimin e Rijadit si “gënjeshtër të neveritshme që është konsumuar më parë dhe nuk mashtron më askënd”, në një postim në X.

Sipas deklaratës së koalicionit saudit, kjo ishte “tentativa e dytë armiqësore dhe terroriste për të shënjestruar Mekën”, pas tentativës së parë me raketë balistike më 27 korrik 2017.

Mohimi vjen një ditë pasi Organizata e Bashkëpunimit Islamik dënoi ashpër sulmet e pretenduara të Huthi-t ndaj Mekës dhe Medinës, duke i quajtur shkelje flagrante të ligjit ndërkombëtar.

Burimi: Al Jazeera