Huthi-t shpallin “bllokadë për bllokadë”: kërkojnë dëmshpërblim nga Arabia Saudite

Kreu i Këshillit Politik Suprem të Huthi-t, Mahdi al-Mashat, shpalli të dielën një “ekuacion të ri”: “bllokadë për bllokadë dhe përshkallëzim për përshkallëzim”, duke kërkuar që Arabia Saudite të “paguajë dëmshpërblim” për atë që ai e quajti “bllokadën e padrejtë” ndaj Jemenit.

Në një fjalim të drejtpërdrejtë televiziv, al-Mashat tha se Jemeni po ecën përpara “për t’i dhënë fund agresionit saudit dhe bllokadës së padrejtë ndaj vendit tonë; për të rihapur aeroportet dhe portet; për të rikthyer burimet kombëtare; për të respektuar sovranitetin dhe për t’u tërhequr nga çdo pëllëmbë territori të pushtuar”.

Ai pohoi se lundrimi detar dhe tregtia ndërkombëtare në Detin e Kuq dhe në Ngushticën Bab al-Mandeb “janë të sigurta dhe nuk do të rrezikohen nga Jemeni, me përjashtim të anijeve armike saudite”, duke shtuar se Huthi-t “kanë të drejtën e plotë” ta bëjnë këtë “derisa ky regjim kriminal të ndalojë”.

Deklarata vjen në një moment përshkallëzimi të konfliktit: Huthi-t kanë forcuar kontrollin mbi bregdetin e Detit të Kuq dhe Ngushticën Bab al-Mandeb, ndërsa ditët e fundit kanë shkëmbyer sulme me dronë dhe raketa me forcat e koalicionit saudit — përfshirë sulmin e së shtunës pranë aeroportit kryesor të Riadit.

Burimi: Al Jazeera