Ibrahimovic shokon fansat. Humb bastin me Tom Brady dhe rikthehet te “look”-u i vitit 2006 (fotot)

Zlatan Ibrahimović ka habitur sërish, këtë herë jo në fushë, por me pamjen e tij. Sipas raportimeve nga mediat italiane dhe ndërkombëtare, ish-sulmuesi suedez ka humbur një bast me legjendën e NFL, Tom Brady, dhe është detyruar ta ndryshojë stilin e flokëve.

Rezultati? Rikthim total në të kaluarën. Zlatan është shfaqur me modelin klasik të flokëve që mbante në vitin 2006, gjatë periudhës së tij te Juventusi.

Ky transformim ka bërë menjëherë xhiron e rrjeteve sociale, ku tifozët kanë reaguar me nostalgji dhe humor për versionin “vintage” të Ibrahimović.

Edhe pse tashmë jashtë fushave të blerta, Zlatan vazhdon të jetë në qendër të vëmendjes, duke treguar se karizma e tij mbetet po aq e fortë sa në ditët e lavdisë si futbollist.