Inzaghi flet hapur për akuzat ndaj arbitrave: Jam i shokuar. Interi u penalizua, jo u favorizua

Interi i favorizuar nga arbitrat në sezonin 2024/25? Simone Inzaghi nuk pajtohet. Ish-trajneri zikaltër, sot në Arabinë Saudite tek Al Hilal, në një intervistë për “Gazzetta dello Sport” sqaron qëndrimin e tij mbi hetimin që ka tronditur botën e arbitrimit italian dhe akuzat ndaj ish-dizajnuesit të AIA, Gianluca Rocchi për “arbitra të pëlqyer nga Interi dhe caktime të kombinuara ose të maskuara në favor të klubit zikaltër”.

“Hetimi më ka shokuar, – thotë Inzaghi. – Interi humbi shumë pikë sezonin e kaluar për shkak të gabimeve të arbitrave. Kampionati, Superkupa…, është befasuese të përfshihemi në një histori ku jemi penalizuar dhe jo favorizuar”.

Magjistratët flasin për arbitra të pëlqyer dhe të papëlqyer nga Interi: “Në rregull, por si mund të mendohet për një komplot? Për ne ishte një sezon i pafat. Kam pasur gjithmonë respekt për arbitrat dhe nuk dua të flas për Napolin, që e fitoi ndershmërisht titullin, por mbetet ndjesia se na është hequr diçka. Nuk akuzoj askënd dhe nuk dyshoj në mirëbesim. Thjesht nuk patëm fat, gjithçka shkoi kundër nesh, edhe pse kemi fajet tona. Mbetet një zhgënjim që nuk kalon, ta humbasësh titullin për një pikë është e dhimbshme”.