Italia dërgon anije luftarake për të mbrojtur lundrimin në Bab al-Mandeb — nuk pret vendimin e BE-së

Italia do të dërgojë anije luftarake për të garantuar kalimin e sigurt të anijeve të saj tregtare nëpër ngushticën Bab al-Mandeb, njoftoi ministri i Mbrojtjes Guido Crosetto, duke shtuar se Roma nuk do të presë për një vendim të përbashkët nga Bashkimi Evropian.

“Kemi aftësitë për të mbrojtur kalimin,” tha Crosetto, duke paralajmëruar se nëse rruga ujore bëhej e pakalueshme, pasojat ekonomike do të ishin të rënda.

Bab al-Mandeb lidh Detin e Kuq me Gjirin e Adenit dhe përbën një nga korridoret më të ngarkuara tregtare në botë mes Evropës dhe Azisë, si dhe një rrugë kritike për naftën, gazin dhe trafikun e kontejnerëve drejt dhe nga Kanali i Suezit.

Rëndësia e ngushticës u rrit ndjeshëm në javët e fundit, kur lëvizja Huthi e mbështetur nga Irani nisi një ofensivë të shpejtë që i solli nën kontroll të gjithë bregdetin perëndimor të Jemenit në Detin e Kuq, përfshirë disa ishuj strategjikë. Më 11 shtator, Huthi-t morën ishullin Mayyun, i cili ndodhet në mes të rrugës detare të Bab al-Mandebit, duke përmbyllur shtytjen për kontrollin e zonës.

Vendimi i Italisë vjen ndërsa lundrimi tregtar në rajon është praktikisht i paralizuar dhe tensionet mes Huthi-t dhe Arabisë Saudite vazhdojnë të përshkallëzohen.

Burimi: Al Jazeera