Italianët të indinjuar, pasi Meloni shkurton ndihmën sociale

Qindra mijëra italianëve do t’u ndërpriten sot përfitimet sociale, pasi qeveria e kryeministres Giorgia Meloni vendosi kushte më të rrepta për marrjen e ndihmës sociale. Marrësit u informuan me mesazh që të premten e kaluar. Sipas raportimeve të mediave, rreth 169 000 familje janë të prekura nga shkurtimi drastik i ndihmës sociale.

Vëzhguesit besojnë se pagesat, të njohura si të ardhurat e qytetarëve, mund të pezullohen për 80 000 familje të tjera në fund të verës. Jugu, tradicionalisht pjesa më e varfër e Italisë, është veçanërisht e prekur nga masat e reja. Napoli, për shembull, ka numrin më të madh të njerëzve që marrin përfitime. Tash e tutje, të ardhurat e qytetarit do t’i marrin vetëm familjet në të cilat të miturit, personat me aftësi të kufizuara ose ku jetojnë të moshuarit mbi 65 vjeç.

Sindikatat dhe grupet e aktivistëve bënë thirrje për protesta kundër shkurtimeve. Në disa qytete të jugut u zhvilluan protesta para zyrave të agjencisë së mirëqenies sociale INPS.

Në Siçili, në komunën e Terrasinit, një i papunë shfryi mllefin e tij të hënën dhe u fut me forcë në zyrën e kryetarit të bashkisë, duke derdhur benzinë dhe duke kërcënuar se do t’i vërë flakën gjithçkaje.

Ai u ndalua nga policia. Politikanët e opozitës kritikuan ashpër masën e qeverisë. Ish-kryeministri Giuseppe Conte, i cili prezantoi të ardhurat e qytetarëve në vitin 2019, e quajti lëvizjen një “luftë ideologjike që po bëhet në kurrizin e më të cenuarve”.

Socialdemokratja Elly Schlein i quajti shkurtimet “brutale”. Kritikët i frikësohen një “katastrofe sociale”. Indinjata u shkaktua edhe nga fakti se ndërprerja u komunikua me sms. Pagesa e ndihmës sociale ishte një gjemb në këmbë për qeverinë e krahut të djathtë të Melonit, e cila dëshiron të reduktojë masivisht numrin e përfituesve të përfitimeve dhe shpenzimet për programin.

Partitë e djathta kanë pohuar vazhdimisht se të ardhurat e qytetarëve nuk jepnin një nxitje që ata që mund të punonin realisht.