Juventus i fiksuar keq me francezin, gati ta sjellë sërish në Torino pasi e braktisi një vit më parë

Juventus është rikthyer në sulm për Randal Kolo Muani. Niveli i lartë i admirimit të “Zonjës së Vjetër” për sulmuesin francez, pas një huazimi gjashtëmujor nga janari deri në qershor 2025, është i madh.

Damien Comollì ka provuar gjithçka për ta rikthyer lojtarin 27-vjeçar në Torino, që në 16 ndeshje realizoi 8 gola. Ditët e fundit, ka pasur kontakte të reja midis drejtuesve të Juventus dhe stafit të lojtarit.

Mësohet se francezi po i jep Juventus një mundësi tjetër për ta sjellë në Torino. Verën e kaluar, Kolo Muani u ndje pothuajse i tradhtuar. Pas tre muajsh negociatash intensive me PSG-në, Juventus braktisi marrëveshjen.

Ky vendim u detyrua nga kushtet e rrepta të vendosura nga parisienët: një transferim i përhershëm për 60-70 milionë euro. Shumë për buxhetin e Juventus, kështu që ata e gjetën veten duke iu drejtuar Lois Openda.

Kjo është arsyeja pse Kolo Muani u ndje i tradhtuar. Aq sa e mbylli derën kur Juve synonte ta merrte në merkaton e këtij janari. Pasi u “josh dhe u braktis” nga bardhezinjtë, francezi përfundoi i huazuar te Tottenham, ku nuk arriti kurrë të afirmohej.

Sot, situata është shumë e ndryshme: lojtari është rikthyer te PSG, të cilët mezi presin ta largojnë sërish, por duke qenë se kanë vetëm 2 vite të mbetura në kontratë mund të ulin pretendimet financiare.

Këto shenja ngjallin besim te Juventusi, të vetëdijshëm se negociatat do të jenë të vështira, por se kjo mund të jetë koha e duhur për ta sjellë Kolo Muanin në shtëpi.