Kërkesa për kredi u ul në janar-mars, shkak pritjet për rivlerësimin e pronave

Kërkesa e individëve për kredi u raportua në rënie në tremujorin e parë të vitit 2026. Për Bankën e Shqipërisë, rënia diktohet kryesisht prej kërkesës më

Kërkesa e individëve për kredi u raportua në rënie në tremujorin e parë të vitit 2026. Për Bankën e Shqipërisë, rënia diktohet kryesisht prej kërkesës më të ulët në blerjen e banesave.

Kredia për blerje banesash arriti nivele rekord gjatë vitit 2025, por tregu i këtij produkti ka shfaqur sinjale ngadalësimi në tremujorin e parë të këtij viti.

Bankat thonë se kërkesa më e ulët për kredi në financimin e blerjes së banesave u nxit nga vonesat në kalimin e ligjit të rivlereësimit të pronave.

Sipas vrojtimit, standardet e kreditimit për kreditë për shtëpi kanë ngelur të pandryshuara edhe këtë tremujor.

Megjithatë, disa banka kanë vendosur të jenë më të kujdesshme, edhe për shkak të shqetësimeve të lidhura me ciklin e pasurive të paluajtshme, sidomos në kryeqytet. Nga ana tjetër, edhe kërkesa e individëve për kredi për blerje pronash duket të jetë në rënie.

Ndërkohë, bankat po e kompensojnë shtrëngimin në segmentin e kredive hipotekare me një qasje më agresive në atë të kredisë konsumatore.

Në tremujorin e dytë të vitit 2026, bankat presin që kërkesa për kredi të jetë e lartë, si për financimin e konsumit, ashtu edhe për blerjen e banesave, çka mund të lidhet pjesërisht edhe me nisjen e procesit të rivlerësimit të pasurive të paluajtshme