Koeman: Tani bëhet edhe më e vështirë, duhen 90 minuta të përkryera për t’u kualifikuar më tej

Trajneri Ronald Koeman beson se Holanda duhet të përmirësojë aspektet e pakujdesshme të lojës së saj të vërejtura deri më tani, pavarësisht fitores 3-1 të së enjtes ndaj Tunizisë, e cila siguroi vendin e parë në grupin e saj të Kupës së Botës.

Holanda kishte një përqindje prej 71.7% të posedimit të topit kundër Tunizisë, rekordi i tyre më i lartë (që nga viti 1966) në një ndeshje të Kupës së Botës, ndërsa është vetëm hera e dytë që ata kanë shënuar 10 gola në fazën e grupeve të turneut, pas vitit 2014.

“Shpresonim për një fillim të mirë dhe kjo ndodhi. Shënuam dy gola në 7 minutat e para, vazhduam mirë, por pati momente në tranzicion kur ata u bënë të rrezikshëm“, tha Koeman për triumfin e sotëm ndaj Tuinizsë.

“Duhet të luash mirë një ndeshje të tërë për të fituar trofeun, jo me ato momente të pakujdesshme në posedim. Sepse nëse luan kështu me ekipe më të mira… E kemi parë këtë kundër Japonisë, apo edhe Suedisë, kjo mund të të kushtojë”, tha Koeman.

Holanda do të përballet me Marokun turin eliminator. “Nuk kemi pasur vapë në Kansas City, luajtëm dy herë brenda në Houston dhe sot për fat të mirë ishim në gjendje të luanim me temperatura të mira. Nëse bëhet vapë atje, atëherë thjesht duhet ta pranojmë këtë“, shtoi holandezi.