Kompania kosovare “Proeks Internacional” merr dritën e gjelbër për blerjen e “Tinex”

Komisioni për Mbrojtjen e Konkurrencës i Maqedonisë së Veriut ka dhënë dritën e gjelbër për koncentrimin me të cilin kompania kosovare “Proeks Internacional” synon të marrë kontrollin mbi “Tinex Market” DOOEL Shkup.

Vendimi, i marrë nga anëtarët e Komisionit, i hap rrugë blerjes së një prej zinxhirëve më të njohur të supermarketeve në vend. Sipas dokumentacionit të Komisionit, transaksioni përfshin jo vetëm “Tinex”, por edhe “SuperTinex”, “Tinex Delikates”, si edhe formatet “Konto” dhe “Spot”.

Blerja e “Tinex”-it nga një kompani me seli në Kosovë shihet si një nga lëvizjet më domethënëse të kohëve të fundit në tregun e shitjes me pakicë në rajon dhe pritet të intensifikojë konkurrencën në këtë sektor.

Burimi: Skopje1