Krizë miqësie? Taylor Swift lë jashtë dasmës Miles Teller

Miles Teller dhe bashkëshortja e tij, Keleigh Sperry, nuk janë ftuar në dasmën e ardhshme të miqve të tyre dikur shumë të afërt, Taylor Swift dhe Travis Kelce, ka mësuar ekskluzivisht Page Six.

Arsyeja e saktë e këtij përjashtimi nuk është bërë e ditur, por ky veprim vjen shtatë muaj pasi nisën të qarkullojnë zëra për një ftohje të marrëdhënies mes dy çifteve.

Dalja e fundit publike e Taylor Swift me Miles Teller dhe Keleigh Sperry ishte në shkurt 2024, kur ata u panë së bashku në një suitë VIP gjatë finales së Super Bowl LVIII për të mbështetur Travis Kelce dhe ekipin e tij, Kansas City Chiefs.

Megjithëse Sperry vazhdon ta ndjekë Swift në Instagram, ajo ka ndaluar së pëlqyeri rregullisht postimet e këngëtares.

Dy postimet e vetme që ajo ka pëlqyer që nga prilli 2024 lidhen me fejesën e Swift dhe Kelce në gusht 2025 dhe me njoftimin e Swift se kishte rimarrë pronësinë e regjistrimeve të saj origjinale në maj 2025.

Në nëntor 2025, Teller dha një përgjigje të paqartë kur u pyet nëse ai dhe Sperry do të merrnin pjesë në dasmën e çiftit.

“Nuk e di. Mendoj se do të jetë një dasmë mbresëlënëse. Jam shumë i lumtur për ta. E njoh Travisin prej kohësh dhe duket se po e shijojnë këtë periudhë,” tha ai.

Muajin e kaluar, Page Six raportoi gjithashtu se Blake Lively nuk pritet të jetë e ftuar në dasmë, ndërsa një burim pohoi se Zoë Kravitz do të marrë pjesë pavarësisht se miqësia e saj me Swift është ftohur vitet e fundit.

Sipas raportimeve, Swift dhe Kelce, pritet të martohen në New York City më 3 korrik, pas fejesës së tyre në gusht 2025.