Legjenda Rivera del hapur kundër Mancini-t: Rikthimi tek Italia, fyerje për tifozët dhe lojtarët

Gianni Rivera, një nga legjendat e futbollit italian, nuk është dakord aspak me zgjedhjen e trajnerit nga FIGC, që riktheu Roberto Mancini-n në stolin “axurr”. Ish-fituesi i “Topit të Artë”, në një intervistë për “Fatto Quotidiano”, e ka sulmuar hapur trajnerin aktual të Italisë.

“Rikthimi në stol i Mancini-t është një fyerje për tifozët dhe futbollistët e Italisë”, – ka thënë Rivera. Heroi i ndeshjes së shekullit e ka zgjeruar diskutimin në lidhje me situatën e futbollit botëror, me lenten e zmadhimit të drejtuar te kriza e FIFA-s.

“Bota e futbollit, nga Blatter tek Infantino, ka pasur gjithmonë paratë si padron. Përderisa komandon paraja, futbolli nuk do të ndryshojë. Lojtarët sot janë ndërmarrje dhe bëjnë skuadër me të tjerët vetëm në fushë”, – u shpreh Rivera.

Në fund, në lidhje me një promovim të mundshëm drejt kateve të sipërme të “pallatit futbollistik”, ai theksoi: “Nuk kam bërë kurrë publicitet për askënd, pavarësisht se propzimet gjatë viteve kanë qenë të shumta. Mua nuk më duan, sepse si dje, ashtu edhe sot, idetë e mia e shqetësojnë prej kohësh pushtetin”.