Ma dhe Pa Kent rikthehen në ‘Man of Tomorrow’: Neva Howell premton ‘intensitet’ në korrik 2027

Aktorja Neva Howell, e njohur si Martha “Ma” Kent në filmin “Superman” të James Gunn, u ka dhënë fansave një lajm të madh: prindërit Kent rikthehen në vazhdimin “Man of Tomorrow”. Në një përgjigje në rrjetin social X ndaj një fansi, Howell shkroi: “Thank you. Prepare yourself! Intensity incoming next July.” – “Faleminderit. Përgatituni! Intensitet po vjen korrikun e ardhshëm.”

Mesazhi konfirmon në thelb rikthimin e saj dhe të Pruitt Taylor Vince, i cili luan Jonathan “Pa” Kent, në filmin e ardhshëm të DC Universe. Të dy aktorët u prezantuan në “Superman” (2025), ku portretizimi i ngrohtë i prindërve adoptues të Clark Kent u prit ngrohtësisht nga publiku.

“Man of Tomorrow”, vazhdimi i “Superman”, pritet të dalë në kinema më 9 korrik 2027. Në film, Superman (David Corenswet) dhe Lex Luthor (Nicholas Hoult) do të detyrohen të bashkohen përballë një kërcënimi edhe më të madh – përflitet se bëhet fjalë për Brainiac-un, që do të luhet nga Lars Eidinger.

Regjisori James Gunn e ka përshkruar projektin si “po aq një film i Lex sa edhe i Supermanit”, duke sinjalizuar një qasje të re për dinamikën mes heroit dhe armikut të tij më të madh. Filmi është pjesë e DC Universe-it të ri që Gunn po ndërton së bashku me Peter Safran.

Detaje të tjera të kastit dhe historisë mbahen ende sekret, por konfirmimi i Howell tregon se familja Kent do të ketë rol edhe në kapitullin e ardhshëm të sagës.

Burimi: ComingSoon