Malet strategjike Kahbub mbeten nën kontrollin e qeverisë jemenas
Forcat e mbështetura nga Arabia Saudite kanë zmbrapsur hutit nga pjesa më të madhe të maleve pranë Ngushticës Bab al-Mandeb, raporton Al Jazeera nga Taizi
Që kur hutit hynë në qytetin Mokha, morën kontrollin e portit dhe më pas lëvizën drejt ishullit strategjik Mayyun, ata kanë tentuar të avancojnë në këto male, të cilat do t’u mundësonin rebelëve të siguronin pozicione prapa. Forcat qeveritare kanë arritur t’i dëbojnë hutit nga pjesë të mëdha të këtyre maleve.
Situata në frontin e Mokhas është e qetë, por Kahbubi është tani fusha kryesore e betejës dhe mund të mbetet e tillë në ditët në vijim, duke pasur parasysh rëndësinë strategjike të malit dhe pamjen që ai ofron mbi ishullin Mayyun.
Hutit kapën qytetin portual strategjik Mokha më 10 shtator dhe ishullin Mayyun, në zemër të Ngushticës Bab al-Mandeb, më 11 shtator. Që atëherë, luftimet janë intensifikuar përgjatë bregut perëndimor të Jemenit, ndërsa forcat qeveritare, me mbështetjen ajrore saudite, përpiqen të rimarrin terrenin e humbur.
BURIMI: Al Jazeera
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.