Man. United gjen zëvendësuesin ideal të Casemiro. Luan në Serie A dhe ka një çmimim mëse normal

Duke qenë se Casemiro do të largohet si lojtar i lirë në fund të këtij sezoni, drejtuesit e Manchester United po shqyrtojnë disa alternativa për të gjetur zëvendësuesin ideal të brazilianit.

Mediet angleze zbulojnë se “Djajtë e Kuq” kanë piketuar Ederson, brazilianin e Atalantës, si alternativën e parë për të zëvendësuar Casemiro-n.

Ajo që e bën edhe më të mundshme këtë operacion është çmimi i brazilianit. Atalanta kërkon 40 milionë euro, por duke qenë se lojtari futet në vitin e fundit të kontratës dhe rrezikon të largohet falas pas një viti, bergamaskët do të mjaftoheshin dhe me një vlerë prej 35 milionë eurosh.

Përveç Manchester United, Atletico Madrid po ashtu është një tjetër ekip i interesuar për shërbimet e Ederson.