Manchester City tërhiqet nga gara për kampionin e botës, i lë “dorë të lirë” Real Madrid për 100-milionëshin

Manchester City nuk ka ndërmend të ndjekë një lëvizje për Enzo Fernandez të Chelsea këtë verë. Mediat britanike saktësojnë se prioriteti i “citizens” mbetet nënshkrimi i Elliot Anderson nga Nottingham Forest.

“Sky Sports Neës” zbuloi se City është në “pole” për të nënshkruar Anderson, me pritjet në rritje që ai të përfundojë në Etihad këtë verë. Fernandez vlerësohet në më shumë se 100 milionë euro, ndërkohë që Chelsea nuk po përpiqet ta shesë lojtarin.

Ai ka një kontratë me Chelsea deri në vitin 2032. Fernandez u la jashtë për dy ndeshje në prill pasi pranoi se do të mirëpriste të jetonte në Madrid. Lojtari dhe agjenti i tij gjithashtu kërkuan falje për komentet e tij.

Ata kishin kërkuar kushte më të mira në Chelsea. Real Madrid do të nënshkruajë një mesfushor këtë verë dhe Fernandez është një nga objektivat e tyre kryesorë. Chelsea e transferoi atë nga Benfica për 121 milionë euro në janar 2023.