Maqedoni: Prokuroria speciale ngre paditë e para kundër zyrtarëve, ndër ta edhe Nikolla Gruevski

Gjykata Maqedonase ka marrë aktakuzat e para të prokurores speciale Katica Janeva. Tashmë është çështje kohe se kur ato do të shpërndahen tek gjykatësit kompetent. Prokuroria speciale më në fund ka zyrtarizuar paditë e para kundër funksionarëve të lartë shtetëror. Njëri rast ka të bëjë me sulmin e porositur ndaj Komunës Qendër në vitin 2013-të kur një turmë njerëzish nuk lejuan ndryshimin e disa planeve urbanistike për shkak të qëllimit për rrënimin e kishës në Qendër të Shkupit.

Në mesin e 14 të akuzuarve për dhunë, mendohet se gjendet edhe emri i ish kryeministrit dhe kryetarit të VMRO DPMNE-së, Nikolla Gruevski si dhe emri i ish ministrit të transportit, Mile Janakievski.

Prokuroria speciale nuk deshi të tregojë emrat se ndaj  kujt është bëjë padia, por sqaruan se bazë për padinë e ngritur është biseda telefonike e publikuar nga LSDM.

Për sulmin ndaj komunës Qendër, ekziston biseda mes Nikolla Gruevskit dhe Mile Janakievskit.