Mbappe: Të vetëdijshëm për atë që po luajmë, të gjithë e dimë se çfarë duhet të bëjmë

Kapiteni i Francës, Kylian Mbappe, shënoi dy gola në fitoren 3-0 që kombëtarja e vendit të tij arriti ndaj Suedisë në ndeshjen e parë të fazës eliminatore të Kupës së Botës.

“Jam plotësisht i vetëdijshëm për atë që është në lojë, ku ndodhem dhe çfarë duhet të bëj. Ekipi e di çfarë duhet të bëjë edhe këtu”, deklaroi sulmuesi dhe kapiteni i kombëtares së Francës.

“E dinim se me këtë ndeshje një garë e re po fillonte. Ne luajtëm mirë ndaj Suedisë edhe pse patëm një fillim të vështirë e momente ku ata mund të na kishin ndëshkuar”, shtoi Mbappe.

Më tej, ai tha: “Jemi të gjithë së bashku në këtë. Trajneri ka kaluar nëpër diçka që, për fat të keq, të gjithë e përjetojnë në një moment të jetës. Është tepër e vështirë. Ai nuk do të jetë kurrë vetëm me ne. Ne do ta mbështesim“.