Ministri pakistanez i Mbrojtjes: ka ardhur koha për zbatimin e paktit të mbrojtjes së Mekës pas sulmeve të Huthi-t

Ministri pakistanez i Mbrojtjes, Khawaja Asif, tha se “ka ardhur koha” për zbatimin e marrëveshjes së mbrojtjes së Mekës me Arabinë Saudite, pas serisë së sulmeve me dronë të rebelëve Huthi kundër mbretërisë.

Në një intervistë për kanalin televiziv pakistanez Geo News, Asif tha se Islamabadi mbetet i angazhuar për mbrojtjen e Arabisë Saudite, aleatit të tij kyç, dhe se Pakistani ia ka përcjellë Iranit mesazhin e Arabisë Saudite lidhur me shqetësimet nga sulmet e forcave Huthi.

“Nuk mendoj se Irani, si shtet, do të hapë një front tjetër,” tha Asif, duke shtuar se iranianët janë tashmë “në një situatë shumë të vështirë”. Sipas tij, Pakistani do të vazhdojë përpjekjet për të parandaluar zgjerimin e konfliktit.

Pakti i mbrojtjes së Mekës, i shpallur së fundmi nga Turqia, Arabia Saudite dhe Pakistani, u prezantua si një sinjal për botën islame për mbrojtjen e vendeve të shenjta, në një kohë kur Huthi-t kanë tentuar sulme me dronë edhe drejt Mekës.

Burimi: Al Jazeera