Mount: United duhet të luajë kundër Liverpool me të njëjtin mentalitet siç bëmë kur fituam në Anfield

Mason Mount u shpreh sot se Manchester United duhet të hyjë në përballjen e tyre me Liverpool, sfida mes tyre këtë fundjavë, me të njëjtin mentalitet që shfaqën në “Anfield” më herët gjatë sezonit.

Skuadra e Michael Carrick ka një përballje direkt me “reds”, dy skuadra që synojnë një vend në Champions League. Duke mposhtur kampionët në fuqi në “Merseyside” më herët gjatë sezonit, Mount ka thënë se ai dhe shokët e tij të ekipit duhet t’i qasen ndeshjes në të njëjtën mënyrë për të kompletuar fitoren e dyfishtë ndaj rivalëve të tyre këtë sezon.

“Mendoj se po hyjmë me të njëjtin mentalitet si në “Anfield”. Kemi pasur një ecuri të mirë kohët e fundit dhe duhet të vazhdojmë me këtë ritëm. Katër ndeshje të mbetura, le ta përfundojmë fuqishëm“, deklaroi mesfushori anglez.

Mount tha se gjysma e dytë e sezonit mund të shërbejë si një platformë për një sulm të titullit kampion sezonin e ardhshëm, ai pranoi se një rikthim në garën elitare të Evropës ishte qëllimi: “Kjo është ajo që po përpiqemi të bëjmë. Jemi në një pozicion të mirë, thjesht duhet ta përfundojmë fort.”

“Ky ishte qëllimi në fillim të sezonit. Të përpiqemi të përfundojmë sa më lart që të mundemi dhe prania në Champions është shumë e rëndësishme për klubin. Është shumë i rëndësishëm edhe për tifozët për sezonin e ardhshëm”, shtoi Mount.