Mucunski: Çdo gjeneratë i ka sfidat dhe betejat e veta

Ministri i Punëve të Jashtme të Maqedonisë së Veriut, Timço Mucunski, dërgoi sot një urim me rastin e 85-vjetorit të Kryengritjes Popullore kundër fashizmit, që shënohet më 11 tetor, siç raporton MIA.

Duke nderuar sakrificën e gjeneratave para nesh, detyra jonë është të vazhdojmë të ndërtojmë një shtet të lirë, të sigurt, të respektuar dhe të integruar ndërkombëtarisht — shtëpi për të gjithë qytetarët e tij, tha Mucunski në urimin e tij.

„11 Tetori është simbol i lirisë, dinjitetit dhe shtetndërtimit, ditë kur nderojmë trimërinë dhe vetëmohimin e popullit maqedonas në luftën për krijimin e shtetit të vet“, theksoi ministri i Jashtëm.

Festën e së shkuarës ai e lidhi me përgjegjësinë ndaj së ardhmes: „Çdo gjeneratë i ka sfidat dhe betejat e veta“, tha Mucunski në urimin e publikuar në Facebook, sipas raportimit të MIA-s.