Ndeshja SHBA–Bosnje, transmetimi më i ndjekur në anglisht në historinë e futbollit

Kombëtarja e Shteteve të Bashkuara mposhti Bosnjë-Hercegovinën 2-0 në Santa Clara, California, dhe kualifikohet për në raundin me 16 skuadra, duke shënuar fitoren e parë në ndeshjet eliminatore që nga viti 2002.

Raporton Associated Press se ndeshja e mbrëmshme u bë transmetimi më i ndjekur në gjuhën angleze për një ndeshje futbolli në histori, me më shumë se 24.4 milionë shikues mesatarë dhe një kulm prej 31.8 milionësh.

Kjo shifër e kalon transmetimin e finales së Kupës së Botës së femrave në 2015, që pati rreth 22.3 milionë shikues në anglisht. Për krahasim më të gjerë, ndeshja Mexhikë–Ekuador kishte audiencën e kombinuar më të madhe në SHBA gjatë këtij Botërori, me rreth 29.3 milionë shikues, ndërsa Super Bowl-i më i ndjekur deri tani (2025) arriti një mesatare prej 127.7 milionë shikuesish dhe një kulm prej 137.7 milionësh.

Të dhënat dhe përmbledhjet lidhur me shikueshmërinë u bënë publike nga Associated Press.