Në Angli flasin për “vjedhje” ndaj Arsenalit, sulmojnë Simeone: Arbitri iu dorëzua dramës së tij…

Në Angli u përjetua keq barazimi 1-1 i Arsenalit ndaj Atletico Madridit, në ndeshjen e parë gjysmëfinale të Champions League. Media angleze kritikoi ashpër arbitrin holandez Danny Makkelie, i cili anuloi penalltinë e pretenduar të Hancko ndaj Eze pas sinjalizimit nga VAR. “Arsenali ishte viktimë e një vjedhjeje kur Eze iu anulua penalltia në një episod shumë të diskutueshëm televiziv”, – shkroi “Daily Telegraph”.

“Al Jazeraa” theksoi se “Makkelie mori 45 sekonda për të rishikuar aksionin 13 herë para se të vendoste që kontakti nuk ishte i mjaftueshëm për penallti”. U kritikua edhe penalltia e dhënë për një prekje të qartë me dorë nga Ben White. Ish-arbitri Mark Halsey deklaroi në “The Sun” se “Arsenali u dëmtua dy herë kundër Atleticos”.

Jamie Carragher reagoi: “Çfarë duhet të bëjë? Po bie në tokë duke tentuar të bllokojë një goditje…, më çmend kjo…, ku është logjika?!” Ndërsa Thierry Henry tha: “Nëse topi është në lojë dhe e prek me dorë, nëse arbitri e jep, është penallti”. Steven Gerrard shtoi: “Simeone pati rol të madh, ishte në fushëpamjen e arbitrit”. Darren Fletcher theksoi: “Ai bërtiste dhe bënte shenja pranë ekranit; duhej ndëshkuar me karton të verdhë”.

Steve McManaman, ish-lojtar i Real Madridit, kritikoi sjelljen “aktruese” dhe “absolutisht të tmerrshme” të Simeones në vijën anësore, duke ushtruar presion ndaj arbitrit: “Përsëri po flasim për VAR-in. E urrej, e urrej, e urrej. E shkatërron lojën”.

Ian Wright, një nga idhujt më të mëdhenj të Arsenalit, reagoi në rrjetet sociale duke shprehur zemërimin e tij me emoji mbi vendimin e arbitrit për ta anuluar penalltinë e Hancko ndaj Eze: “E dija që do të dorëzohej! Ekipi vendas e merr penalltinë!”