Në Novoselë me varkë; fshati i pushtuar nga uji
Shtëpi e ëmbla shtëpi! E kush e kupton më mirë këtë shprehje sesa Myrteza Zenunaj dhe dhjetra të tjerë të përmbytur. Në fshatin Fitore të Vlorës, Vjosa ka vërshuar duke fituar qindra hektarë tokë dhe dhjetra banesa që gjenden nën pushtetin e saj.
“Ku të shkoj?! Tani janë të braktisura shtëpitë, nuk ka njëri atje. Unë rri kot, se nuk ka çfarë t’u bëj më atyre”, thotë ai.
Për një tjetër, shtëpia është më e rëndësishme se jeta, por tashmë që lumi ka zënë vend nëpër dhoma, ai ka hipur mbi çati.
Në fshatin tjetër, në Novoselë, ushtria po mbron argjinaturën në mënyrë që lumi mos të avancojë më tej në atë pjesë të fshatit që vende-vende është i çliruar nga uji.
Në Novoselën e përmbytur banorët kanë braktisur shtëpitë dhe rrugët janë kthyer në kanalet e vetme të lundrimit.
Genci, efektiv i Policisë Kufitare, për shkak se është edhe zhytës është angazhuar në misionet e shpëtimit. Shkaku i këtij misioni është një telefonatë që më pas rezultoi e pavërtetë, që kërkonte ndihmë.
“Terreni nuk njihet dhe kërkon shumë kujdes”, apelon ai.
Por në fshat nuk ka ngelur askush, përveç një qeni dhe pak shpendëve.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.