Nga porta në sulm, zbulohet lista me përforcimet që Inter pret të bëjë gjatë verës. Synimi kryesor është triufmi në Champions

Pasi fitoi titullin në Serie A dhe është në garë për Kupën e Italisë, Inter po mendon për sezonin e ri dhe synimi kryesor është suksesi në Champions League.

Sipas Gazzetta dello Sport, Interi po planifikon të forcojë çdo pozicion, për të forcuar sa më shumë ekipin dhe më pas për të provuar veten në kompeticionet europiane, pasi zikaltrit nuk shohin rivalë në Serie A.

Për portën janë në lista dy emra Guglielmo Vicario i Tottenham dhe Mile Svilar i Romës. Mbrojtja është reparti që pritet të ketë më shumë përforcime, duke ditur që Alessandro Bastoni mund të largohet në verë si dhe largimet e mundshme të FRancesco Acerbi dhe Stefan de Vrij. Emrat që po ndiqen nga zikaltrit për këtë repart janë: Tarik Muharemovic i Sassuolo-s, Mario Gila i Lazios, Oumar Solet i Udinese si dhe Evan N’Dicka dhe Gianluca Mancini të Romës.

Në mesfushë synohen Manu Kone i Romës, Curtis Jones i Liverpool, Ederson i Atalantës dhe riblerja e Aleksandar Stankovic. Edhe pse linja sulmuese nuk duket se do të pësojë ndryshime të mëdha, dihet që ëndrra e zikaltërve është transferimi i Nico Paz.