Olen Çesari rikthehet në skenë me koncert në Pallatin e Kongreseve

Mbrëmjen e kaluar, në Pallatin e Kongreseve, violinisti Olen Çesari së bashku me International Clandestine Orchestra zhvilluan një koncert të veçantë para një audience të madhe artdashëse.

Ky koncert shquhej për kombinimin e muzikës, emocioneve dhe performancave të shkëlqyera që krijuan një atmosferë të veçantë në sallë, duke shënuar rikthimin e violinistit në skenën shqiptare.

Në bashkëpunim me Çesarin, morën pjesë artistë të njohur vendas dhe ndërkombëtarë, përfshirë Dren Abazin, Lavinia Mancusin, Enrico Giaretta, Zyliha Milotin, Carlos Paz dhe Roland Cenko, të cilët sollën një dimension të lartë artistik në këtë mbrëmje.

Koncerti do të vazhdojë edhe më datat 10 dhe 11 prill në të njëjtin vend, ku muzika dhe arti do të jenë gjuhët që do të bashkojnë publikun.