PD, homazhe te Varrezat e Dëshmorëve. Basha: Luftë çdo ditë për lirinë

Partia Demokratike zhvilloi homazhe në Varrezat e e Dëshmorëve, me rastin e 28 Nëntorit, Ditës së Flamurit.

Kreu i PD-së, Lulzim Basha u shpreh: “Përkulemi sot me nderim para sakrificave të mijëra shqiptarëve që dhanë jetën për lirinë. Nderim simbolit tonë kombëtar. Përkulemi me nderim para Ismail Qemalit dhe firmëtarëve të pavarësisë. Përkulemi para qindra e mijëra burrave e grave që dhanë jetën për çlirimin e Shqipërisë. Kjo sakrificë dhe ky çmim i lartë që kombi ynë ka paguar është i pandarë për të ruajtur lirinë e demokracinë. Për lirinë duhet luftuar çdo ditë. Jam sot në krah të gjithë qytetarëve që janë ngritur për të mbrojtur liritë e tyre”.