Pep heziton për të ardhmen e mesfushorit: Është rikthyer në stërvitje, por nuk e di nëse do të qëndrojë këtu

Trajneri i Manchester City, Pep Guardiola, ka mbetur i rezervuar për të ardhmen e John Stones dhe Vitor Reis.

Anglezi Stones, është rikthyer në stërvitje përpara garës shumë të rëndësishme për titull, por kontrata e tij skadon në verë.

Ndërkohë, braziliani Reis ka qenë i huazuar te Girona këtë sezon dhe e ka bërë publike se do të donte të kthehej te City për të luftuar për vendin e tij sezonin e ardhshëm.

“E vetmja gjë që mund të them është se Stones është rikthyer prej dy ose tre javësh,” tha Guardiola.

“Që prej së hënës ai po stërvitet me ne. Dhe ky është lajmi më i mire, një armë më shumë në këtë moment të vështirë“, tha Guardiola

Për Vitor Reis: “Nga informacioni im në Girona, ishte e pabesueshme. Ai ka luajtur. Arsyeja pse shkoi atje ishte për shkak të moshës së tij dhe ndoshta nuk kishte shumë mundësi për të luajtur këtu”.

“Ai u rrit si lojtar. Njerëzit në Girona janë shumë të kënaqur, të lumtur. Vendimi do të merret. Do ta marrim në fund të sezonit”, tha spanjolli.