Përçahet partia e Idrizit, Tahir Muhedini thotë se po negociohet edhe me PD-në

Edhe pse dy ditë më parë Shpëtim Idrizi deklaroi se ka arritur marrëveshje me kryeministrin Rama për koalicion, brenda kësaj partie ka kontradikta dhe përçarje.

Tahiri Muhedini thotë se ata po negociojnë edhe me PD-në, por nuk dihet nëse flet edhe në emër të Idrizit, apo të deputetëve të tjerë.

“PDIU ka një kauzë shumë të rëndësishme, që se ka asnjë forcë tjetër, zgjidhjen e problemit madhor të çështjes came.

E kemi thënë haptas, forcat kryesore janë ato që vendosin, por ne do të negociojmë me PS, PD, LSI e këdo”, tha Muhedini.

Ai shprehet se kontradiktat me Idrizin nuk i nxjerr në Pazar.

“Cfarëdo të kemi i zgjidhim brenda shtëpisë, e nuk i nxjerrim në pazar” tha ai.

Edhe deputetit tjetër, Dashamir Tahiri, një ditë më parë deklaroi se do të pyetet baza për koalicionin me PS-në, ndërkohë që marrëveshja është arritur.