Pjesë e rrjetit të trafikut të kokainës në Itali, arrestohet shqiptari. I gjenden drogë, 7 mijë euro cash dhe peshore

Policia e Shtetit në Itali arrestoi gjatë një operacioni antidrogë të kryer pasditen e 27 korrikut, në zonën e Viserbos, një të ri shqiptar që ishte përfshirë në rrjetin e trafikut të kokainës.

Ai u kap gjatë momentit që po shiste dozën e radhës. Tregtari, i kontrolluar dhe identifikuar menjëherë, gjithashtu pas një kontrolli në shtëpinë e tij në Riccione, iu gjet në posedim një total prej 55 gramësh kokainë të ndarë në 83 doza të parapaketuara, si dhe materiale paketimi, peshore precize, gërshërë, dhe afërsisht 7,000 euro në para të gatshme (foto kryesore).

I arrestuari, i cili tashmë kishte një precedent penal, u vu në dispozicion të autoritetit gjyqësor për gjykim të shkurtuar, ndërsa blerësi u raportua në Prefekturën e Riminit në përputhje me nenin 75 të Dekretit Presidencial 309/1990.