Qendra Komunitare “Dhimitër Orgocka” në Maliq, hapësirë moderne për zhvillimin e aktiviteteve kulturore

Qendra Komunitare Kulturore “Dhimitër Orgocka” në Maliq është transformuar në një hapësirë moderne për zhvillimin e aktiviteteve kulturore dhe artistike në qytet.

Kryeministri Edi Rama ndau sot pamje nga ambientet e kësaj qendre, ku 200 fëmijë ndjekin kurse të ndryshme artistike.

Rama vlerësoi këtë investim të realizuar në bashkëpunim me bashkinë Maliq, që i jep qytetit një hapësirë moderne për zhvillimin e aktiviteteve kulturore dhe artistike.

“Mbi 200 fëmijë kanë nisur tashmë të ndjekin kurset në këtë qendër, e cila do të shërbejë si një vatër e re për talentet dhe jetën kulturore të komunitetit”, shtoi Rama.

Qendra ofron ambiente moderne për organizimin e aktiviteteve kulturore, artistike dhe edukative, duke krijuar mundësi të reja për zhvillimin e talenteve të reja dhe përfshirjen e komunitetit në jetën kulturore të zonës.