Kreu i grupit Petrit Vasili është shprehur në një dalje për mediat, se LSI do të bllokojë me çdo mjet demokratik aktet që cënojnë zhvillimin e vendit dhe hajdutërinë, duke nisur nga dy ligjet e rikthyera në Kuvend nga Presidenti.
“Përballja do të fillojë që nga rifutja e ligjit për teatrin, pas kthimit nga Presidenti i Republikës, kthim i cili ishte një mundësi e madhe për mazhorancën të bënte një hap pas nga kjo hajdutëri e jashtëzakonshme, bëhet fjalë për 200 e ca milionë euro. Po kështu qëndrim do të mbajmë pas kthimit nga presidenti të ligjit që ka lidhje me bixhozin, me lojërat e fatit”, deklaroi Vasili.
Vasili denoncoi gjithashtu bllokimin që po i bëhet nismës së LSI për të ndryshuar mënyrën e qasjes ndaj koncesioneve dhe rritjen e transparencës për publikun.
“Përsëri është një çështje madhore, problemi i rrënimit ekonomik nga koncesionet. Që në 16 shkurtin e vitit 2016, dy vjet e gjysmë më parë, kjo rilindje që drejton vendin ka bllokuar në mënyrën më të turpshme një nismë e cila ka të bëjë me koncesionet, ku ne i kërkonim transparencë të potë, ardhjen në parlament, miratimin në sallën e parlamentit, që gjithë shqiptarët të dinin se çfarë detyrimesh të merrnin përsipër, ç’ishte e mirë dhe ç’ishte e keqe nga këto koncesione, dhe kjo nismë prej dy vjet e gjysmë bllokohet në parlament”, tha Vasili.
petrit, ben mir qe kerkon lufte pa kompromis ndaj koorupsjonit, ne cdo koh. por ju skini te drejt morale, si cizmaxhesha, juve dhe me dhjetra e qindra pushtetar te lsi kudo ku kan punuar ne sistemin shteteror si drejtus, ne ministri te ndryshme, ne tatime, dogana, e gjithfar drejtorish ne republiken e shqiperis, i kan punuar qindin, ati vendi e ati populli.
shiko konmtrollet e shtetit, edhe pse esht drejtus nje person qe si ndjek drejtusit e lsi, se ka frik nga meta dhe monika se e len pa buk, megjithese edhe ai ka menduar per nje dit te keqe, kini len kokren e namit.
prandaj le te flas nonje tjeter qe ka vjedhur me pak nga ju, se te ngercem esht e veshtir te gjesh.