Rama fton investitorët nga Emiratet e Bashkuara Arabe

Kryeministri Edi Rama, i cili ndodhet në Emiratet e Bashkuara Arabe, ka ftuar investitorët për projekte që lidhen me infrastrukturën dhe turizimin ne Shqiperi.

Nëpërmjet një komunikimi në rrjetin social “Facebook” Rama shkruan: “Sot në Emiratet e Bashkuara Arabe në pjesën e parë të një dite intensive takimesh me Kryetarin e Keshillit Kombëtar Federal, Mohamed Al Murr dhe zëvendëskryeministrin, njëkohësisht President i Fondit të Investimeve, Sheikun Mansour, për projektet konkrete të investimeve në turizëm, infrastrukturë, agropërpunim, zhvillimin e zonave Industriale”.