Rama: Shqipëria e Madhe është makthi i Serbisë, jo projekti ynë

Kryeministri i Shqipërisë Edi Rama  u shpreh se Shqipëria e madhe nuk është projekt i shqiptarëve, por makth i Serbisë.

Edi Rama, beson se Serbia do të jetë një shtet normal vetëm atëherë kur do ta pranojë realitetin, se Shqipëria e Madhe nuk është projekt i shqiptarëve. Sipas Ramës Shqipëria e Madhe është makthi më i madh i serbëve. “Serbia Normale do jete realitet veç kur Serbia Reale do kuptojë se Shqipëria e Madhe është makthi i tyre jo projekti ynë”,- ka shkruar Rama në rrjetet sociale.

Ky postim i Kryeministrit Rama ka ardhur pas deklaratave të Kryeministrit serb Aleksandër Vuçiç i cili ka thënë se ende nuk ka marrë vendim nëse do të lejojë Ramën të vizitojë Beogradin.

Kështu Rama i është përgjigjur edhe presidentit serb Tomislav Nikoliç i cili pas ndërprerjes së ndeshjes në mes të Serbisë dhe Shqipërisë tha se Shqipëria nuk do të jetë kurrë shtet normal.