Real Madrid nuk humb kohë, ofertë 50 milionë euro për 20-vjeçarin më të kërkuar të momentit

Duke parë interesimin e klubeve të mëdha të Premier League, të Bayern dhe të Barcelonës, Real Madrid nuk dëshiron të humb më kohë dhe po punon për të siguruar sa më parë transferimin e Kees Smit. Mesfushori 20-vjeçar i AZ Alkmaar është një nga lojtarët më të kërkuar në treg.

Ndaj, qëllimi i Real Madridit është të arrijë një marrëveshje të shpejtë me AZ Alkmaar, duke shmangur një luftë ofertash që mund ta ndërlikojë situatën më vonë. Sipas medieve spanjolle, Real Madrid është gati të paguajë 50 milionë euro për mesfushorin e ri holandez, i cili këtë sezon ka shënuar 5 gola dhe ka dhënë 10 asiste.

Përveç transferimit të Kees Smit, i cili konsiderohet më shumë si një investim afatgjatë për të ardhmen, Real Madrid do të bëjë dhe përforcime të tjera në repartin e mesfushës, ky synohet të transferohet një emër “big”. Disa nga alternativat janë Enzo Fernandez, Alexis Mac Allister, Nicolo Barella, Vitinha etj.